Um okkur
Örtækni var stofnað árið 1976. Á upphafsárum félagsins var Örtækni í samstarfi við Háskóla Íslands um þróun og framleiðslu á vogum fyrir fyrirtæki í sjávarútvegi. Síðar var fyrirtækið Marel stofnað um þá framleiðslu. Gjaldmælar fyrir leigu- og sendiferðabíla voru hannaðir og framleiddir um langt skeið og annaðist starfsfólk Örtæknis viðhaldsþjónustu og uppfærslu á hugbúnaði í mælunum. Árið 1990 hóf Örtækni að flytja inn hágæða netsnúrur og tölvutengi frá þekktum evrópskum framleiðendum. Örtækni hefur í kjölfarið sérhæft sig í smíði og samsetningu á öllum gerðum kapla auk þess að bjóða upp á mikið úrval af lýsinga-, tengi- og tæknibúnaði. Stór hluti starfsemi Örtækni er samsetning á margskonar rafbúnaði fyrir hin ýmsu fyrirtæki sem oftar en ekki tengjast sjávarútvegi. Örtækni vinnur með mörgum af framsæknustu fyrirtækjum landsins og þjónustar öll helstu tækni- og iðnfyrirtæki á Íslandi. Árið 1985 stofnaði Örtækni ræstingadeild sem sér um daglegar ræstingar jafnt fyrir stofnanir sem einkafyrirtæki.